2:03 PM МАНХЭТТЕНААС ХОЁР ДАХИН ТОМ МӨСӨН АРАЛ “ТӨРЖЭЭ” | |
Гринландын Петерманн мөсөн голын мөс цуурч, Манхэттений газар нутгаас хоёр дахин том талбайтай мөсөн арал үүссэн талаар "Sciencedaily” цахим хуудсанд мэдээлжээ. Шинээр үүссэн уг мөсөн арлыг Канадын Мөсний төв, Делавэрийн их сургуулийнхан хамтран нээсэн аж. Петерманн бол Гринландад үлдээд буй хоёр том мөсөн голын нэг юм байна. Делавэрийн их сургуулийн Байгаль орчин, далай, дэлхий судлалын коллежийн профессор Андрис Мьюнхов энэ сарын 17-нд өөрийн блогтоо энэ талаарх мэдээллийг оруулжээ. 120 ам километр талбай бүхий уг мөсөн арал нь 2010 онд үүссэн мөсөн арлаас хоёр дахин жижиг юм байна. Ийнхүү хоёр жилийн хугацаанд аварга том хоёр арал үүссэн тохиолдол сүүлийн 150 жилд үзэгдээгүй тухай тэрбээр өгүүлжээ. Түүнчлэн 1987 оноос хойш Гринланд, Элсмирийн арлын хойд хэсгээр агаарын температур жилд 0.025-0.11 градусаар нэмэгдэж буйг тэрбээр онцлон тэмдэглэсэн байна. Гринландын хойд хэсэг, Канадад дулаарал дэлхийн дунджаас тав дахин эрчимтэй явагдаж байгаа аж. Гэхдээ энэ нь мөсөн арал үүссэн шалтгаан гэж ойлгож болохгүй гэнэ. Учир нь тийм хэмжээний градусын өөрчлөлт мөсөн голд нөлөөлж чадахгүй хэмээн А.Мьюнхов үзжээ. Тэрбээр 2003 оноос хойш Грин лан дын мөсийг судалж байгаа бөгөөд 2010 онд үүссэн мөсөн арлыг мөн нээсэн юм байна. Үүнээс өмнө томоохон мөсөн "байгууламж” үүссэн тохиолдол 50 жилийн өмнө бүртгэгджээ. 1962 онд Элсмирийн арлын хойд хэсэгт 600 ам километр талбай бүхий мөсөн арал үүсэж байсан юм байна. | |
|
Total comments: 0 | |
Бидний тухай [1] |
Шагнал [0] |
Тайлан [1] |
Үйл ажиллгаа [0] |
Монгол орны үзэсгэлэнт байгал [1] |
EBook [0] |
Дархан цаазат газрууд [11] |
Байгалын цогцолбор газрууд [12] |
Байгалын нөөц газрууд [0] |
Дурсгалт газрууд [8] |
Хил дамнасан тусгай хамгаалалттай газрууд [0] |
Дэлхийн өвд орсон газрууд [0] |
Фото мэдээ [2] |